Elimu Sekondari

UTANGULIZI:

Idara ya Elimu sekondari katika Halmshauri ya Manispaa ya Bukoba ina jumla ya Shule za Sekondari thelathini na moja (31) zilizo katika kata kumi na nne (14) za manispaa ya Bukoba.

Katika shule hizo, 19 ni shule za serikali wakati shule 12 ni shule za Binafsi. Licha ya tofauti za umiliki, shule zote hizi zinatekeleza sera moja ya Elimu ili kuwa na jamii yenye uelewa mmoja katika Taifa moja.Aidha, Halmashauri ya Manispaa imeendelea kufanya vizuri katika matokeo ya mitihani ya kitaifa. Mfano kwa matokeo ya mtihani wa kidato cha Nne mwaka 2015 ilishika nafasi ya tatu kitaifa na kwa mwaka 2016 mtihani wa Kidato cha pili na cha Nne Halmashauri hii imeshika nafasi ya kwanza kitaifa.Hivyo, mwamko wa Taaluma katika Manispaa yetu ni mzuri unaoifanya izidi kuwa katika nafasi za juu kiufaulu. Jedwali hapo chini linaonyesha shule zilizopo katika Manispaa na Bukoba, Kata na Mtaa.

   ORODHA YA SHULE ZA SEKONDARI ZA SERIKALI MANISPAA BUKOBA

   ORODHA YA SHULE ZA SEKONDARI ZA BINAFSI MANISPAA BUKOBA

inasimamia na kutekeleza sera ya Elimu kama inavyoainishwa kwenye Mtaala wa Elimu .Katika kusimamia sera ya Elimu, idara inahakikisha inaboresha utolewaji wa elimu katika shule zote za serikali na zisizo za serikali ili kuwa na taswira nzuri inayoionyesha Halmashauri ya Manispaa inavyofanya vizuri katika swala zima la Elimu.

SHUGHULI ZINAZOFANYWA NA IDARA YA ELIMU SEKONDARI

• Kusimamia shughuli za kujifunza na kujifunzia kwa kufanya ufatialiaji wa karibu mashuleni ili kuhakikisha lengo linafikiwa.
• Kuzipongeza shule zinazofanya vizuri kwa kuzipa motisha chanya shule pamoja na walimu wanafaulisha vizuri katika mitihani ya Taifa ili kuongeza morali kufanya kazi.
• Kuzipa motisha hasi shule zinazofanya vibaya kama vile kinyago ikiwa ni alama ya ufaulu mbovu ili ziweze kujituma na kufanya vizuri.
• Kuwapatia walimu stahiki zao kwa wakati pindi zinapopatikana kutoka kwa mwajiri ili kuondoa malalamiko miongoni mwa walimu na mwajiri wao pamoja na kuwajengea imani kwa mwajiri.
• Kusimamia uboreshwaji wa miundombinu mashuleni ili kuweka mazingira mazuri ya kujifunzia na kufundishia.
• Kuhamasisha jamii kuchangia maendeleo ya shule hususani katika ujenzi wa Miundombinu ya shule ili kuwa na mazingira mazuri ya kujifunzia na kufundishia.
• Kuweka ushawishi katika Halmashauri ili kuona umhimu wa kuboresha miundombinu ya shule na hivyo kuwekewa kipaumbele katika miradi ya maendeleo inayotekelezwa na Halmashauri ya Manispaa.

   UTARATIBU WA UHAMISHO KWA MWANAFUNZI KUTOKA SHULE MOJA KWENDA NYINGINE;
Uhamisho wa mwanafunzi wa kuhama kutoka shule moja kwenda nyingine upo katika makundi mawili, kuna uhamisho wa wa ndani na uhamisho wa nje.

1. Uhamisho wa ndani; huu ni uhamisho ambao mwanafunzi anahama kutoka shule moja kwenda shule nyingine lakini ndani ya Halmashauri. Katika uhamisho huu, mwanafunzi au mzazi anatakiwa kuandika barua kwa Mkurugenzi wa Halmashauri (Manispaa), barua hiyo itapitia shule aendayo mwanafunzi kasha kwa mkuu wa shule anakotoka.Baada ya utaratibu huo kukamilika mzazi/mlezi/mwanafunzi atapatiwa kibali cha kuruhusiwa kuhamia shule aliyoomba kuhamia.

1. Uhamisho wa nje; huu ni uhamisho wa mwanafunzi kutoka nje ya Halmshauri/wilaya au nje ya Mkoa anakosomea mwanafunzi. Uhamisho huu anayetoa kibali cha kuhama ni Katibu Tawala Mkoa (ofisi ya Afisaelimu Mkoa). Katika uhamisho huu, Mzazi anamwandikia barua Katibu Tawala Mkoa (ofisi ya Elimu Mkoa), inapitia kwa Mkurugenzi (Afisaelimu) anakotoka,itapitia kwa Aifaelimu anakokwenda, itapitia kwa Mkuu wa shule anakokwenda kasha kwa Mkuu wa shule anakotoka. Baada ya kukamilisha taratibu husika , Mzazi/Mlezi/Mwanafunzi ataidhinishwa kuhama na Ngazi ya mkoa baada ya taratibu zote hizo kukamilika.
   NB/ Katika kupitisha fomu za uhamisho kwa aina zote hizo za uhamisho  (ndani nan je) mhusika anatakiwa aanzie ngazi ya chini kuelekea ngazi ya juu kwakuwa ngazi ya juu ndiyo inayoidhinisha mwisho. Hivo, mwombaji anatakiwa kuzingatia taratibu zilizowekwa.