KATIBU MKUU CCM TAIFA, AMFAGILIA RC. KAGERA.

Posted on: August 10th, 2024

Katibu Mkuu CCM, Taifa Mhe. Balozi, Dkt. Emmanuel Nchimbi amempongeza Mkuu wa Mkoa wa Kagera Mhe. Hajjat Fatma Mwassa na wasaidizi wake kwa utekelezaji mzuri wa Ilani ya Chama cha Mapinduzi.

Balozi, Dkt. Emmanuel Nchimbi ameyasema hayo wakati akihutubia mkutano wa hadhara uliofanyika katika uwanja wa Mayunga, Halmashauri ya Manispaa ya Bukoba tarehe 10.08/2024.

‘‘Nampongeza sana Mkuu wa Mkoa na wasaidizi wake kwa utekelezaji mzuri wa ilani ya Chama cha Mapinduzi kwani ripoti niliyokabishiwa inaonyesha ni mengi sana ambayo yamefanyika ndani ya Mkoa huu’’ Alisema Katibu.

Akisisitiza jambo hilo, Katibu alisema anamshukuru sana Rais wa Jamhuri ya Muungano wa Tanzania, Mhe. Dkt. Samia Suluhu Hassan kwa kuleta fedha nyingi Mkoani kagera kwa ajili ya maendeleo.

Aidha, Katibu Mkuu amempongeza pia Mbunge wa jimbo la Bukoba Mjini Wakili msomi Mhe. Stephen Byabato kwa utendaji kazi uliotukuka na uwezo wa kusimamia miradi mbalimbali ya maendeleo ambayo kwa kiasi kikubwa miradi hiyo imekamilika na ipo tayari kwa ajili ya matuimizi.

Katika utatuzi wa kero mbalimbali ambazo ziliibuka kwenye mkutano huo, Katibu Mkuu amemuagiza Mkuu wa Mkoa wa Kagera Mhe. Fatma Mwassa kutatua kero hizo kwa wakati ili wale wote waliotoa kero hizo waweze kuapatiwa ufumbuzi.

Naye Mkuu wa Mkoa wa Kagera katika kutekeleza hilo, aliieleza hadhara hiyo kuwa ifikiapo tarehe 13/08/2024, siku ya Jumanne, Wananchi wote waliojiorodhesha na kutoa kero zao, wafike kwenye ofisi ya Mkuu wa Mkoa wa Kagera kwa ajili ya utatuzi.

 Katibu Mkuu wa CCM, Taifa, yupo Mkoani kagera kwa ziara ya siku sita ambapo atapita kila Wilaya na anatarajia kuhitimisha ziara hiyo ifikapo tarehe 11/08/2024