RAIS WA JAMHURI YA MUUNGANO WA TANZANIA APONGEZA UJENZI WA MADARSA SEKONDARI YA IHUNGO-BUKOBA.

Posted on: January 18th, 2021

Rais wa Jamhuri ya Muungano wa Tanzania Dr John Pombe Joseph Magufuli amewapongeza wasimamizi, Viongozi na Watumishi wa Halmashauri ya Manispaa ya Bukoba kwa kusimamia ipasavyo ujenzi wa madarasa na nyuma za walimu kwenye Sekondari ya Ihungo.

Amsema hayo wakati wa ziara yake ya kikazi Mkoani Kagera, Amesema ameridhika na usimamizi mzuri wa mradi huo.

Shule ya Sekondari Ihungo ilianza Mwaka 1947 ikiwa na namba ya usajili S.41. Shule hii ilikuwa na uwezo wa kudahili wanafunzi mia sita (600) kwa kidato cha kwanza hadi cha sita. Miundombinu ya shule ni pamoja na vyumba vya madarasa kumi na nne (14), Nyumba za walimu ishirini (20),Vyumba vya maabara vitatu ( 03),Mabweni sita (06), Matundu ya vyoo thelathini na mbili (32),Jengo moja  la Utawala (01), Chumba cha maktaba kimoja (01), Jengo moja la kompyuta (01), Kanisa na msikiti mmoja (01).

Shule hii ni mojawapo ya taasisi zilizoathiriwa na tetemeko la ardhi lililotokea tarehe 10/09/2016 mkoani Kagera.  Miundombinu yote ya shule iliathirika na tetemeko hili ikiwemo Vyumba vya madarasa, mabweni, vyumba vya maabara,bwalo,vyoo, nyumba za walimu, Jengo la utawala, kanisa, msikiti na miundombinu ya umeme.

Serikali ya Jamhuri ya Muungano wa Tanzania imefanya jitihada za makusudi za kurejesha hali ya miundombinu pamoja na kuiboresha zaidi kama ifuatavyo:-

Serikali imejenga majengo matatu (03) makubwa ya ghorofa yenye vyumba nane (8) vya madarasa na vyumba vitatu vya ofisi kwa kila jengo moja.  Jumla ya majengo matatu yenye vyumba vya madarasa (24) vyenye uwezo wa wanafunzi 45 kila mmoja.

Majengo matatu ya madarasa kila moja lina vyumba vitatu vya ofisi za walimu na kufanya jumla ya vyumba vya ofisi kuwa (12) vyenye uwezo wa kutumiwa na walimu zaidi ya kumi kwa kila chumba kimoja.

Serikali imejenga majengo mawili (02) makubwa ya ghorofa mbili (2) kila moja, kila jengo lina uwezo wa kuchukua wanafunzi (384) jumla ya wanafunzi katika majengo haya ni 1,152.

Serikali inajenga nyumba za wafanyakazi kwa ajili ya familia thelathini (30) ambazo zipo katika hatua mbalimbali za ukamilishaji.

Majengo yaliyofanyiwa ukarabati ni pamoja na jengo la utawala, maabara ya Kompyuta, jengo la kilimo,bwalo na maabara za Fizikia, Kemia na Baolojia.Serikali ya Jamhuri ya Muungano wa Tanzania ilitoa Tshs 623,130,000 kwa ajili ya matengenezo ya samani za shule kwa ajili ya kujiandaa kupokea wanafunzi

Rais wa Jamhuri ya Muungano ametoa lai kwa watumiaji wa majengo hayo kuyatunza vizuri ili yaendelee kuwanufaisha watumiaji.