Miradi ya Maendeleo ya Kilimo ya Wilaya (DADPs)

Start Date: 2006-07-01

End Date: 2013-06-30

Miradi ya Maendeleo ya Kilimo ya Wilaya (DADPs).

DADPs ni utekelezaji wa Mipango ya ASDP ngazi ya wilaya. Mipango hii hujumuisha miradi ya sekta za kilimo, mifugo, uvuvi na ushirika.

Halmashauri ya Manispaa ya Bukoba ilianza kutekeleza  awamu ya kwanza ya Mipango ya Maendeleo ya kilimo ya wilaya (DADPs) mwaka 2006/2007.  Awamu hii ya kwanza ya utekelezaji  ilimalizika mwezi Juni 2013. Tangu kumalizika Kwa awamu ya kwanza ya utekelezaji wa miradi hii, Halmashauri ya Manispaa ya Bukoba imekuwa katika kipindi cha mpito ikisubiri utekelezaji wa awamu ya pili ya DADPs.

Katika kipindi hiki cha mpito, Halmashauri ya Manispaa ya Bukoba imekuwa ikitumia fedha kutoka vyanzo vyake vya ndani pamoja na fedha za serikali kuu (CDG) kutekeleza mipango ya kilimo.
Pamoja na hayo, baadhi tu ya miradi iliyotekelezwa katika awamu ya kwanza ya DADPs  ni kama ifuatavyo:

1. Ujenzi wa kituo cha  kupokelea samaki katika kisiwa cha Ntoro- Nyabasige
2. Kuwezesha  ufugaji wa Ng’ombe wa  maziwa 33 katika  vikundi vilivyopo kwenye mitaa 9 ya Bushaga, Bugambakamoi, Rwanzi, Kabalekangaiza, Nyarubanja, Kyasha, Kyamuzinga, Bunukangoma na  Ijuganyondo B.
3. Ununuzi wa vifaa vya kuhifadhia na kusindika maziwa kwa wasindikaji 25 kutoka katika vikundi 4.
4. Kuwezesha ufugaji wa kuku katika vikundi 4 kutoka katika mitaa ya Magoti, Rubumba, Bushaga na Ntungamo.
5. Kuwezesha ujenzi wa masoko 2, soko la Buhembe pamoja na soko la Kitendaguro
6. Kuwezesha kilimo cha nanasi na maembe katika kikundi kilichopo mtaa wa Ihyolo.

   Mafanikio katika Miradi ya Kilimo ya Wilaya (DADPs).

Baadhi ya mafanikio yaliyopatikana katika kutekeleza awamu ya kwanza ya miradi ya DADPs ni kama ifuatavyo:

1. Kutokana na kuongezeka kwa matumizi ya mbolea ya samadi, uzalishaji wa mazao ya ndizi na mazao ya Bustani umeongezeka kwa 23%
2. Kutokana na kuwezesha ufugaji wa ngombe wa maziwa, ng’ombe wa maziwa wameongezeka na maziwa yameongezeka kwa 16%
3. Uwezeshwaji katika ufugaji wa kuku umeongeza uzalishaji wa kuku pamoja na uzalishaji wa mayai kwa 27%
4. Lishe kwa wananchi imeboreshwa kutokana na kuongezeka kwa uzalishaji  wa maziwa, mayai, ndizi, n.k.
5. Kipato kwa wakulima na wafugaji kimeimarika kutoka na kuongezeka kwa uzalishaji wa ndizi, mazao ya bustani, mayai, maziwa n.k.
6. Elimu ya ufugaji wa kuku na ng’ombe wa maziwa  imeenea kwa wafugaji walio wengi.
7. Elimu  juu ya matumizi sahihi  ya mbolea ya samadi  imeenea kwa wakulima wengi.
8. Usindikaji wa mazao – vikundi vya usindikaji eg. BUWEA.