MRADI WA MAENDELEO UTAKAOFADHILIWA NA SHIRIKA LA CHAKULA DUNIANI (FAO) 2017/2018 KATIKA SEKTA YA KILIMO NA MIFUGO

Start Date: 2017-09-13

End Date: 2019-06-30

Kutokana na tetemeko lililotokea mkoani Kagera pamoja na ukame na hali duni ya lishe katika mkoa wa Kagera,  Shirika la Chakula na Kilimo (FAO), pamoja na Wizara ya kilimo, Mifugo na Uvuvi wamesaini Mkataba wa Mradi wa kusaidia kurejesha hali za wananchi kufuatia ukame, lishe duni na Tetemeko la ardhi Mkoani Kagera. Mradi huo unatarajiwa kutekelezwa Katika Halmashauri za Manispaa ya Bukoba, Misenyi, Kyerwa, Muleba na Bukoba Vijijini. Mradi unatarajia Kunufaisha jumla ya vikundi vya wakulima na wafugaji kwenye Kaya zipatazo 5,000 kwa mkoa mzima.

 Halmashauri ya Manispaa ya Bukoba tayari imesaini makubaliano ya kutekeleza mradi huu na unatarajia kunufanisha jumla ya vikundi vya wakulima na wafugaji kwenye kaya zipatazo 750. Mradi huu utatekelezwa kwa muda wa miaka miwili kuanzia mwaka 2017/2018 hadi 2018/2019. Katika Mwaka 2017/2018 shughuli zinazotarajia kufanyika ni kama ifuatavyo:-

• Kuwezesha kilimo cha mazao ya bustani
• Kuwezesha kikundi cha kuzalisha mbegu bora za Mihogo na viazi vitamu
• Kuwezesha mafunzo kwa maafisa ugani na wakulima
• Kuwezesha ufugaji wa kuku
• Kuwezesha ufugaji wa sungura
• Kuwezesha kilimo cha umwagiliaji matone (drip irrigation)
• Kuwezesha kilimo cha teknolojia ya kitalu  nyumba (Green house)

VIKUNDI VYA HALMASHAURI YA MANISPAA YA BUKOBA VILIVYOUNDWA KWA AJILI YA KUFADHILIWA NA FAO