MAENDELEO YA UJENZI WA SHULE YA SEKONDARI IHUNGO

Posted on: September 13th, 2018

1.0: Utangulizi:

Shule ya Sekondari Ihungo ilianza Mwaka 1947 ikiwa na namba ya usajili S.41. Shule hii ilikuwa na uwezo wa kudahili wanafunzi mia sita (600) kwa kidato cha kwanza hadi cha sita. Miundombinu ya shule ni pamoja na vyumba vya madarasa kumi na nne (14), Nyumba za walimu ishirini (20),Vyumba vya maabara vitatu ( 03),Mabweni sita (06), Matundu ya vyoo thelathini na mbili (32),Jengo moja  la Utawala (01), Chumba cha maktaba kimoja (01), Jengo moja la kompyuta (01), Kanisa na msikiti mmoja (01).

2.0: Athari za tetemeko:
Shule hii ni mojawapo ya taasisi zilizoathiriwa na tetemeko la ardhi lililotokea tarehe 10/09/2016 mkoani Kagera.  Miundombinu yote ya shule iliathirika na tetemeko hili ikiwemo Vyumba vya madarasa, mabweni, vyumba vya maabara,bwalo,vyoo, nyumba za walimu, Jengo la utawala, kanisa, msikiti na miundombinu ya umeme.

3.0: Juhudi za kurejesha miundombinu:
Serikali ya Jamhuri ya Muungano wa Tanzania imefanya jitihada za makusudi za kurejesha hali ya miundombinu pamoja na kuiboresha zaidi kama ifuatavyo:-

•  Madarasa:
  Serikali imejenga majengo matatu (03) makubwa ya ghorofa yenye vyumba nane (8) vya madarasa na vyumba vitatu vya ofisi kwa kila jengo moja.  Jumla ya majengo matatu yenye vyumba vya madarasa (24) vyenye uwezo wa wanafunzi 45 kila mmoja.
•  Ofisi za walimu
  Majengo matatu ya madarasa kila moja lina vyumba vitatu vya ofisi za walimu na kufanya jumla ya vyumba vya ofisi kuwa (12) vyenye uwezo wa kutumiwa na walimu zaidi ya kumi kwa kila chumba kimoja.
•  Mabweni ya wanafunzi
  Serikali imejenga majengo mawili (02) makubwa ya ghorofa mbili (2) kila moja, kila jengo lina uwezo wa kuchukua wanafunzi (384) jumla ya wanafunzi katika majengo haya ni 1,152.
• Nyumba za wafanyakazi/walimu
  Serikali inajenga nyumba za wafanyakazi kwa ajili ya familia thelathini (30) ambazo zipo katika hatua mbalimbali za ukamilishaji.
• Ukarabati
  Majengo yaliyofanyiwa ukarabati ni pamoja na jengo la utawala, maabara ya Kompyuta, jengo la kilimo,bwalo na maabara za Fizikia, Kemia na Baolojia.

4.0: MATENGENEZO YA SAMANI

Serikali ya Jamhuri ya Muungano wa Tanzania ilitoa Tshs 623,130,000 kwa ajili ya matengenezo ya samani za shule kwa ajili ya kujiandaa kupokea wanafunzi.                                                        Baadhi ya vifaa vilivyotengenezwa/vilivyopokelewa shuleni  kwa awamu ya kwanza ni pamoja.

Matengenezo ya samani/vifaa katika awamu ya kwanza bado yanaendelea ili kuweza kukamilisha idadi ya mahitaji yaliyoainishwa hapo juu.  Katika awamu ya pili shule itatengeneza samani zifuatazo: 

vifaa vinavyotengenezwa/vitakavyopokelewa shuleni  kwa awamu ya pili

5.0 Mapokezi ya kidato cha Tano:
Shule ilipangiwa wanafunzi 679 ambao walianza kuripoti shuleni tarehe 16/7/2018 mpaka sasa wanafunzi walioripoti ni 556 katika tahsusi  za PCB, PCM, CBF,EGM na HGE  na masomo yanaendelea kulingana na  ratiba ya shule.

6.0      MAFANIKIO:    

1.   Shule imeweza kufanya vizuri katika taaluma kwa mwaka 2017 na 2018 katika mitihani ya kidato cha sita na changamoto za tetemeko la ardhi zilizosababisha kuhama.
2. Jitihada za serikali ya awamu ya tano zimefanikisha, miundombinu ya shule kujengwa upya na uwezo wa shule umeongeza kutoka wanafunzi 600 kabla ya tetemeko hadi 1,152 baada ya tetemeko.  
3. Idadi ya nyumba za walimu imeongezeka kutoka nyumba ishirini(20) zilizokuwepo awali kufikia nyumba arobaini na saba (47) za sasa.
4. Serikali imetoa fedha ambazo zimeboresha miundo mbinu ya samani ambapo kila mwanafunzi amepata dawati lake na kitanda pamoja na miundombinu mengine kama makabati n.k.