Mafuriko yatokea Manispaa ya Bukoba

Posted on: April 10th, 2017

TAARIFA YA AWALI YA ATHARI YA MVUA ILIYOSABABISHA MAFURIKO KATIKA HALMASHAURI YA MANISPAA BUKOBA TAREHE 08/04/2017

UTANGULIZI
Halmashauri ya Manispaa ya Bukoba, usiku wa kuamkia tarehe 8/4/2017 kuanzia, saa 9 usiku hadi saa 5 asubuhi ilinyesha mvua kubwa iliyosababisha mafuriko katika Kata za Bilele, Bakoba, Nshambya, Miembeni, Hamugembe, Rwamishenye,Kagondo na Nyanga.

ATHARI ZILIZOJITOKEZA

•  Watu wanne (4) wamejeruhiwa na wamelaza hospitali ya mkoa Kagera.
• Hakuna vifo vilivyojitokeza au kuripotiwa
•  Nyumba zilizoanguka kabisa ni 11
• Nyumba zilizoanguka baadhi ya kuta ni 18
• Nyumba zilizoingiliwa na maji ni 710
• Miundombinu ya barabara iliyoharibika ni barabara ya Kiroyera na kasarani
  Kata Sakoba.
• Miundombinu ya maji imepasuka na ufuatiliaji unaendelea kubaini kiwango
  cha uharibifu.
• Mali za wakazi kuharibiwa na maji kama vile vyakula, vifaa vya nyumbani
  na mifugo.

Waliookolewa

Idadi ya watu waliookolewa katika Kata zote zilizoathirika ni 168 

• Waiiookolewa na jamii ni 78
• Waliookolewa na jeshi la zima moto ni 90
  Jumla 68.

Maoni
Pamoja na mvua kubwa iliyonyesha mambo yafuatayo yamechangia kutokea kwa
mafuriko makubwa.

•  Ujenzi holela kandokando ya mito, maeneo ya tinga tinga na mabonde.
• Uchimbaji wa mchanga na kokoto kando kando ya mito.
• Kulima kilimo kisichozingatia Sheria.
•  Utupaji wa taka ngumu kwenye vyanzo vya maji na mifereji.

Mikakati ya muda mfupi

1. Uokoaji wa watu waliozingirwa na maji kwa kutumia mitumbwi na kamba.
2. Uongozi wa Kata na Mtaa kuimarisha ulinzi na usalama katika maeneo yao
   yaliyo athirika.
3. Wakazi wote kuhimizwa kuzingatia kanuni za afya hasa kuchemsha maji ya
   kunywa, usafi wa vyoo na kula vyakula vya mota kwa wakati huu wa mvua
   za masika.
4. Wananchi walioathirika, kujihifadhi kwa ndugu na jamaa au katika shule za
   msingi na sekondari zilizopo karibu na maeneo yao.
5. Kuomba wadau na mashirika mbalimbali. kuwapatia watu waliathirika
   msaada wa chakula na malazi.

Mikakati ya muda mrefu

1. Wakazi wote waliojenga nyumba kwenye hifadhi ya mito (mita 60 kutoka
   kwenye kingo za mito) waondoke kwa mujibu wa sheria ya mazingira
   Namba 20 ya mwaka 2004.
2. Wakazi wote wanaojishughulisha na shughuli za kibinadamu mfano kilimo,
   uchimbaji mchanga, kokoto, ufyatuaji wa matofari, uoshaji wa magari
   kando kando waache mara moja.
3. Watu wasijenge bila vibali vya ujenzi (ujenzi holela).

Aidha notisi zilishatolewa kwa wakazi kuwazuia kuendesha shughuli za kibinadamu ndani ya mita 60 kutoka vyanzo na mapitio ya maji.